2017 -оны 1 -р сарын 11
25 жилийн дараа анх удаа сонгогчидтойгоо үзэл бодлоо хуваалцах уулзалтыг зохион байгуулав

Монгол улсын шинэ Үндсэн хууль батлагдсаны түүхт 25 жилийн ой тохиож байна. Шинэ Үндсэн хуулийг сурталчлах, өмнөх хуулиудаас онцлог давуу талуудыг хүүхэд залууст танин мэдүүлж түгээн дэлгэрүүлэх, тэрхүү хуулийг батлахад гар бие оролцож явсан Өмнөговь аймгаас сонгогдсон Ардын Их Хурлын депутатуудыг алдаршуулах хүндэтгэл үзүүлэх зорилгоор аймгийн Иргэдийн төлөөлөгчдийн хурал, Засаг даргын Тамгын газар хамтран олон арга хэмжээг зохион байгуулж байна. Түүний нэг бол 25 жилийн түүхэнд анх удаа Ардын Их Хурлын төлөөлөгчдийг сонгогчидтой нь буюу тойргийнх нь иргэдтэй уулзуулах арга хэмжээ юм. 2017 оны 01 сарын 09-ний өдөр аймгийн Засаг даргын Тамгын газрын дарга Ө.Баянмөнхөөр ахлуулсан ажлын хэсэг Номгон суманд ажиллаж, АИХ-ын депутат Б.Зандрааг сонгогч иргэдтэйгээ үзэл бодлоо хуваалцах уулзалтыг амжилттай зохион байгууллаа.

АИХ-ын депутат Б.Зандраа уулзалтын үеэр манай аймгаас Ардын Их Хуралд 14 депутат сонгогдож, Монгол улсын шинэ Үндсэн хуулийг батлалцахад гар бие оролцож явсан бөгөөд өмнөх хуулиудаас олон зүйлээрээ онцлог хууль болсныг хэлсэн юм. Тухайлбал хүний эрхийг дээдэлсэн, монгол улсын үнэт баялаг мал сүргээ хамгаалсан заалтуудыг нэмж өгсөн гэдгээ онцолж байлаа. Тэрбээр монгол улс ямар засаглалтай байх, их бага хурал хэдэн хоногоор хуралдах, хурлын зарчим гээд олон онцлох зүйлд гар бие оролцоход дэмжиж хамтран ажилласан Өмнөговьчууддаа нийт АИХ-ын депутатуудынхаа нэрийн өмнөөс 25 жилийн ойн мэндийг дэвшүүлж, талархал илэрхийлсэн юм.


Энэ мэдээ танд таалагдаж байвал LIKE дараарай. Танд баярлалаа.

Танд www.NEW.mn таалагдаж байвал LIKE дараарай. Танд баярлалаа.


АНХААРУУЛГА: Уншигчдын бичсэн сэтгэгдэлд new.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 77115115 утсаар хүлээн авна.

НИЙГЭМ
СУРТАЛЧИЛГАА
СУРТАЛЧИЛГАА
СУРТАЛЧИЛГАА
СУРТАЛЧИЛГАА